የከንፈርና የላንቃ መሰንጠቅ ህመም

የደቡብ ክልል ጤና ቢሮ እና የሃረር ፕሮጀክት ኢትዮጵያ በጎ አድራጎት ድርጅት ከወልቂጤ ዩኒቨርሲቲ ስፔሻላይዝድ ሆስፒታል በጋራ በመሆን ለ6 ተከታታይ ቀናት የሚቆይ የከንፈርና የላንቃ መሰንጠቅ ህመም ያለባቸውን የማህበረሰብ ክፍሎች የነፃ ህክምና ዘመቻ በወልቂጤ ዩኒቨርሲቲ ስፔሻላይዝድ ሆስፒታል እንደሚሰጥ ተገለፀ፡፡

አገልግሎቱን የሚጀምረው ነገ ማለትም ህዳር 23/03/2015 ዓ.ም ለተከታታይ 6 ቀናት የሚቆይ ይሆናል፡፡ ይህንኑ የህክምና አገልግሎት የሚሰጣቸው የስልጤ ዞን፣ጉራጌ ዞን ፣ሃድያ ዞን፣ ከንባታ ጠንባሮ ዞን እና የም ልዩ ወረዳ ላሉ ማህበረሰብ ሲሆኑ ካሁን በፊት የተመዘገቡና አዳዲስ ማለትም የከንፈር ከ 4 ወር እና ከዚያ በላይ ያሉ ህፃናት እና አዋቂዎች ይሆናሉ፡፡ እንደዚሁ ደግሞ የላንቃ መሰንጠቅ ችግር ላለባቸው ከ 1 አመትና ከዚያ በላይ ያሉ ህፃናትና አዋቂዎች አገልግሎቱን ማግኘት የሚችሉ መሆኑን ሆስፒታሉ ይገልፃል፡፡